ਚੰਡੀਗੜ• 6 ਜੁਲਾਈ--ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸ. ਸੁਖਬੀਰ ਸਿੰਘ ਬਾਦਲ ਨੇ ਅਹਿਮ ਐਲਾਨ ਕਰਦੇ ਹੋਏ ਜਿਲਾ ਬਠਿੰਡਾ (ਦਿਹਾਤੀ) ਅਤੇ ਜਿਲਾ ਬਠਿੰਡਾ ਦੀਆਂ ਮੰਡੀਆਂ ਦੇ ਪ੍ਰਧਾਨਾਂ ਦਾ ਐਲਾਨ ਕਰ ਦਿੱਤਾ।

ਅੱਜ ਪਾਰਟੀ ਦੇ ਮੁੱਖ ਦਫਤਰ ਤੋਂ ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ  ਸ. ਸੁਖਬੀਰ ਸਿੰਘ ਬਾਦਲ ਨੇ ਦੱਸਿਆ ਕਿ ਸ. ਜਗਦੀਪ ਸਿੰਘ ਨਕਈ ਸਾਬਕਾ ਵਿਧਾਇਕ ਨੂੰ ਜਿਲਾ ਬਠਿੰਡਾ (ਦਿਹਾਤੀ) ਦਾ ਪ੍ਰਧਾਨ ਬਣਾਇਆ ਗਿਆ ਹੈ। ਉਹਨਾਂ ਦੱਸਿਆ ਕਿ ਸ. ਨਕਈ ਤਿੰਨ ਵਾਰ ਐਮ.ਐਲ.ਏ ਰਹਿ ਚੁੱਕੇ ਹਨ। ਸ. ਬਾਦਲ ਨੇ ਦੱÎਸਿਆ ਕਿ ਸ. ਰਾਜਵਿੰਦਰ ਸਿੰਘ ਸਿੱਧੂ ਨੂੰ ਬਠਿੰਡਾ ਸ਼ਹਿਰ (ਕਾਰਪੋਰੇਸ਼ਨ) ਦਾ ਪ੍ਰਧਾਨ ਬਣਾਇਆ ਗਿਆ ਹੈ। ਉਹਨਾਂ ਦੱਸਿਆ ਕਿ ਜਿਲਾ ਬਠਿੰਡਾ ਦੇ ਪੈਂਦੇ ਛੋਟੇ ਸ਼ਹਿਰਾਂ ਜਿਨਾਂ ਨੂੰ ਮੰਡੀਆਂ ਵੀ ਕਿਹਾ ਜਾਂਦਾ ਹੈ ਦੇ ਪ੍ਰਧਾਨ ਲਾਉਣ ਦਾ ਫੈਸਲਾ ਵੀ ਕੀਤਾ ਗਿਆ ਹੈ ਜਿਸ ਅਨੁਸਾਰ ਸ. ਹਮੀਰ ਸਿੰਘ ਪ੍ਰਧਾਨ ਗੋਨਿਆਣਾ ਮੰਡੀ, ਸ਼੍ਰੀ ਪਿੰ੍ਰਸ ਗੋਇਲ ਨੂੰ ਪ੍ਰਧਾਨ, ਭੁਚੋ ਮੰਡੀ, ਸ਼੍ਰੀ ਸੰਦੀਪ ਕੁਮਾਰ ਪ੍ਰਧਾਨ, ਮੌੜ ਮੰਡੀ, ਸ਼੍ਰੀ ਸੰਜੀਵ ਗੋਲਡੀ ਪ੍ਰਧਾਨ, ਸੰਗਤ ਮੰਡੀ, ਸ਼੍ਰੀ ਵਿੱਕੀ ਪ੍ਰਧਾਨ, ਕੋਟਫੱਤਾ ਮੰਡੀ, ਸ਼੍ਰੀ ਰਕੇਸ਼ ਕੁਮਾਰ ਪ੍ਰਧਾਨ, ਤਲਵੰਡੀ ਸਾਬੋ ਮੰਡੀ ਅਤੇ ਸ਼੍ਰੀ ਮਦਨ ਲਾਲ ਨੂੰ ਰਾਮਾ ਮੰਡੀ ਦਾ ਪ੍ਰਧਾਨ ਬਣਾਇਆ ਗਿਆ ਹੈ।